Waxaan ku idhi bal iigu dhiib
inanka gaadhiga wata. Maxaa kaa xumaaday, ayaan wadyiiyey? kuye gaadhiga ayaa cilladi
igaga jirtaa, alaabta iga xun ayaan Arabsiyo u doonanayaa, waxaan sii
weydiiyey, Hargeisa ayaaba kuu dhawe maxaad uga soo doonan weydey oo intaad
tagsi u yeedhato ninkana usoo qaadi weydey?, wuxuu iigu jawaabay, inan baan la
hadlee bal isug, anna waxaan ku idhi salaadaan gelayaaye markaan kasoo baxo
ayaan kugu soo celin.
Markaan salaadii kasoo baxay ayuu
isoo wacay ninkii qurbaha ka yimid, wuxuuna igu yidhi ninkii wuxuu i leeyahay
gaadhigaan sugaayay mahayo oo igama qabanaayo ee maxaan yeelaa, intaanu wada
hadlaynay ayuu igu yidhi sug-sug gaadhibaa isu kaaya taagaye; waanu igu jaray
mobile kii. wax yar ka dib ayuu igu soo celiyey wuxuuna ii sheegey in gaadhi
shirkadda mubaarik farmasi leedahay isu taagay, wuxuuna ii sii raaciyey walal
waad mahadsantahay, anaa kulasoo hadli markaan Hargeisa imaado iyo waayahay.
Inyar kadib ayuu isoo wacay
hadana, kuye walaal ninkii tagsiga ayaannu haddana is haysanaa; wuxuu igu lahaa
55 doolar anna waxaan hayaa 100 doollar; sarifna mahayuu leeyahay ee maxaan
sameeyaa, waxaan ku idhi darawalka kuu joojiyay gaadhiga iigu dhiib, wuu iigu
dhiibay,waa nin yara xabeeb leh, waxaan weydiiyay walal zaad ma haysataa, kuye
maya, intaad boqolka ka qaado shirkadiinii la hadal oo iisoo dira ku dheh,
markaad magaalada gasho ayaad siine, kuye dee walaal lama ogola in aan gaadhiga
cid ku soo qaado, waxaan ugu jawaabay waa runtaa.
Inan ila fadhiyey ayaan ku idhi
bal lacagtaa soo tuur aynnu kala furannee, markuu ii soo direyna waxaan ku idhi
ninkii dhibanaha isaga kay dhigaayay iigu dhiib inanka gaadhiga kuu joojiyey;
waxaan waydiiyey Zaad ma leedahay; kuye haa, ii sheeg number kaaga wuxuu ii
yeedhiyey number kan 4435236, Cabdillahi ayaa soo baxaaya ayuu igu yidhi,
waanan u direy lacagtii oo waxaan ku idhi markaad soo gasho magaalada ii soo
dir; kuye waayahay.
Ninkan sheeganayay inuu
Ingiriiska ka yimid oo igasoo wacaayay number kan 0633182374 ayaan wacay laba
saac ka bacdi,waa lama heli karo; yaab! malaa dabkii baa ka dhacay, kii aan
lacagta u direy ayaan wacay, waa uu dhacayaa lamana qabanaayo, ku cel celi,
waxoogaa ka bacdi ayuu iga qabtay, waxaan ku idhi ma soo gasheen, kuye yaa,
hargeisa ma soo gasheen, kuye yaa; kumaan fahmin ayuu sii raaciyay, waxaan ku idhi miyaanad ahayn ninkii gaadhiga watay
ee Arabsiyo ninka qurbaha ka yimid kasoo qaaday, wuxuu iigu jawaabay maya;
walaal sarrifle ayaan ahay oo Burco ayaan joogaa ninka aad lacagta u soo
dirteyna wuu ila taagnaa oo waan u sarifay, lacagtiina wuu iga qaatay.
Intaa ka bacdi waxaa ii cadaatay
in sheekadu budhcadnimo ahayd, waa koox isku shaqaysanaysa filinkana si
xirfadaysan u wada jileysay, kolleyna anigoo keliya maahee dad badan ayay sidan
oo kale ku khiyaamaysay ee iska jira, dabagal buuxana halagu sameeyo kooxdan,
gaar ahaa ciddaha ay khusayso ee shirkaddaha is gaadhsiinta iyo laamaha amaanka.
No comments:
Post a Comment